有冇試過，情人想你改改惡習，而你又覺得反感呢? 你覺得惡習改變, 你就不再是你自己。
「我係咁架o勒!」口中呼喊出忠於自己既說話。
其實由拍拖第一天開始，一男一女都開始改變。
一定會有互相遷就。一個人生活，同兩個人拍拖既戀愛生活，模式一定唔同。生活模式既改變，已經係一種改變。
你可以話，一個人既生活模式係做自己，兩個人拍拖生活既模式都係做自己，需然改變左，但都冇違背原則，都係做自己。
其實總有磨合的。
然後就到結婚既階段。點解對方肯同你結婚? 因為覺得可以同你走將來既路。
可以用拍拖時既心態，一成不變咁用o係結婚到嗎? 不可以，一定不可以，至少一定會負多左責任。
幫手洗碗，幫手洗衫，幫手做家務。其實係不知不覺間成熟左、負責任左。
原本可能日日打機，原本可能日日shopping，但最後一定會花多左o係家庭到。
到生仔o勒，負既責任更加大。
原本刁蠻任性既，要學懂以理處事，如果唔係點教仔?
原本o係事業上不求上進既，點都要努力一d，為事業打算，如果唔係將來點供書教學?
改唔改得更好，係另一回事。但至少要明白有需要不斷改進自己，應付家庭既責任。只要俾對方明白自己係會想變得更好，咁對方至少都會放心一D。
況且，適者生存，唔改善自己缺點既人，遲早會俾社會淘汰
如果你覺得戀愛既道路，係唔需要自己有任何既改變，唔需要改變自己既缺點，咁既話，其實係你可能未認真咁思考將來
當然我講既，唔係果D無傷大雅既小缺點/習慣啦 :) 我想強調既，係要有改變既心態，要有變得更好既心態。
當你變得更好既時候，對方一定會更鍾意你，其他人都一定會更鍾意你
p.s. 都唔知用廣東話寫好, 定係用書面語寫比較好
文章
沒有留言:
發佈留言